Сѐ поизвесно е есенско-зимско сценарио следната седмица на Балканот и во Македонија, пишува метео-прогнозерот Славчо Поповски на порталот Метеоаларм.
Покрај обилните врнежи од дожд следната недела, очекуваме и обилни врнежи од снег на планините во регионот.
На планините понекаде може да се формира снежна покривка со висина од 20 до 30 cантиметри која би можела да биде со висина и од над 50 cантиметри. Ова важи за високите планински места во регионот.
Поради падот на температурите, снежната граница понекаде во регионот би се спуштила и пониско (под 1.000 метри).
Можни се снежни врнежи и во градовите во регионот следната недела.
Покрај ова, и утринските мразови, кои особено лошо ќе се одразат врз веќе расцутените овошки, се сѐ поизвесна појава во следната седмица.
