Руското Министерство за надворешни работи им се закани на Шведска и Финска со нивната одлука да влезат во НАТО.
Заменик-министерот за надворешни работи Сергеј Рјабков рече дека одлуката е грешка со далекусежни последици, што радикално ќе ја промени глобалната ситуација.
„Никој не треба да има илузија дека Русија едноставно ќе молчи и ќе го прифати влезот на Шведска и Финска во НАТО“, рече тој, додавајќи дека безбедноста во двете земји „нема да се зајакне“ со овој потег, пишува Sky News.
„Глобалната ситуација радикално ќе се промени по одлуката на Шведска“, додаде тој.
Да потсетиме, шведската премиерка Магдалена Андерсон во понеделникот рече дека ќе побара широка парламентарна поддршка за аплицирање за влез во НАТО, откако нејзината партија објави дека го поддржува пристапувањето во Алијансата.
„Утре ќе бидам убеден дека има широка парламентарна поддршка во Риксдагот за шведската апликација за членство, а потоа ќе бидеме подготвени да донесеме владина одлука“, рече Андерсон во неделата.
И соседна Финска во неделата објави дека ќе поднесе барање за членство во НАТО.
