Регулаторите на Европската унија ја обвинија денеска компанијата „Епл“ за кршење на новите правила за дигитална конкуренција спречувајќи ги програмерите на софтверот во App Store да ги пренасочуваат корисниците на други места.
Европската комисија соопшти дека според прелиминарните наоди од нејзината истрага, производителот на „Ајфон“ го прекршил Законот за дигитални пазари на ЕУ (DMA).
Според проценката на Комисијата, „Епл“ ги спречува развивачите на апликации да ги продаваат своите производи преку алтернативни канали надвор од App Store.
„Условите и правилата на App Store им забрануваат на давателите на услуги како што се Netflix или Spotify да даваат информации за цените во нивните апликации и им дозволуваат на корисниците да се претплатат директно преку апликацијата. Apple исто така наплаќа такси кои го надминуваат она што е апсолутно неопходно“, соопшти Комисијата.
Претходно „Епл“ изрази загриженост дека барањата за ДМА може да ја нарушат приватноста на корисникот и безбедноста на податоците.
Поради оваа причина, тие одлучија да не го лансираат Apple Intelligence во ЕУ во овој момент. Освен карактеристиките на вештачката интелигенција, другите новитети презентирани на WWDC, како што се iPhone Mirroring и SharePlay Screen Sharing, нема да бидат достапни во ЕУ.
Овој потег сигурно ќе предизвика незадоволство кај корисниците на Apple во Европа.
