Рускиот антивоен кандидат Борис Надеждин во средата изјави дека поднел 150.000 потписи што му се потребни на Централната изборна комисија (ЦИК) за да влезе во претседателската трка против актуелниот претседател Владимир Путин.
ЦИК сега ќе ја потврди автентичноста на потписите поднесени од Надеждин и другите потенцијални кандидати за претседателска кандидатура и следниот месец ќе објави кој ќе му се придружи на Путин на гласачкото ливче.
Победата на Путин се смета за неизбежна, но Надеждин изненади некои набљудувачи со неговите остри критики за „специјалната воена операција“ во Украина.
Надеждин на почетокот на месецот рече дека земјата може да си дозволи да троши повеќе пари за своите граѓани доколку не инвестира толку многу во армијата.
Како кандидат номиниран од политичка партија, тој требаше да собере 100.000 потписи во најмалку 40 региони за да може да учествува на изборите од 15 до 17 март.
Путин избра да биде независен кандидат и затоа требаше да собере 300.000 потписи. Досега има собрано над 3,5 мил.
