Женка по име Заида Бинт Мути Фон Хаусман од расата авганистански ‘рт која доаѓа од Чиле е прогласена за најубаво куче во светот. Кучето Заида заедно со својот сопственик и одгледувач Рамон Подеста Валенцуела одличјето го освоија на годинашното Светско шоу за кучиња на Саемот во Загреб, Хрватска, што се одржа викендов.
Инаку, Заида веќе има и бројни успеси на слични изложби. Зад себе овојпат „остави” еден кусоопашест англиски овчар и шкотски териер.
Здруженија и активисти за заштита на животните предупредуваат на големи злоупотреби на кучињата.
Се наведуваат, во таа смисла, и случаи на парење кучиња во сродство, кога може да се родат болни кученца, а се предупредува и на поткупливи судии… Загрижените љубители истакнуваат дека тука нема љубов кон животните, туку дека кучињата се жртви на „глад за профит“.
