„Мајкрософт“ ја претстави новата технологија со вештачка интелигенција наречена „ВАСА-1“, што може да сними фотографија и аудиоисечок и да ги комбинира во реалистична видеоснимка.
За почеток, технолошкиот гигант претстави видео на кое „Мона Лиза“ на ренесансниот уметник Леонардо да Винчи „ја рапува“ песната „Paparazzi“… Но, овде не се работи за хитот на Лејди Гага, туку рап-верзијата што Ен Хатавеј ја изведе во „Емисијата на Конан О’Брајан“ во 2011 година.
„Ова е толку смешно, плачам од смеење“, „Среќа што Да Винчи не може да го види ова“, „Уште едно страшно видео со вештачка интелигенција“, „Ова е морничаво“ – се дел од коментарите.
Видеото набрзо собра над 7,1 милиони прегледи на само еден профил на „X“.
