Британскиот крал Чарлс Трети(75) пристигнува на процедура на простата во болницата каде принцезата од Велс се опоравува од операцијата, напиша ДејлиТелеграф. Тој беше фотографиран како излегува од Кларенс Хаус по 8.30 часот и подоцна пристигнува во лондонската клиника во која се лекува и принцезата Кејт, жена на неговиот син Вилијам.
Портпаролот на Бакингемската палата рече:
„Неговото височество сака да им се заблагодари на сите оние кои ги испратија своите добри желби во текот на изминатата недела и со задоволство дозна дека неговата дијагноза има позитивно влијание врз свеста за јавното здравје“.
Кралот (75) се врати во Лондон од Сандрингам со хеликоптер во четвртокот пред планираната операција. Тој ја доби дијагнозата пред нешто повеќе од една недела. Тој одобри Бакингемската палата да извести за дијагнозата со надеж дека во јавноста ќе ја подигне свеста за симптомите за ракот на простата.
Кралицата била фотографирана во задниот дел од автомобилот со кралот додека тој пристигнувал на клиниката.
Нејзината одлука да го придружува нејзиниот сопруг е невообичаена во кралското семејство, со тоа што претходните генерации имаат тенденција сами да ја посетуваат болницата. Таа ќе биде таму за да го поддржи нејзиниот сопруг за постапката.
Хирургот на кралот е Ранан Дас Гупта, уролошки хирург кој е специјализиран за специфични форми на третман за зголемена простата и е со седиште во Лондонската клиника. Хирургот, кој беше назначен во Медицинското домаќинство минатиот март, нуди два третмани за зголемена простата, терапија со акваблација и емболизација на артерија на простатата.
Во истата клиника во 2013 година кралицата Елизабета Втора беше лекувана од гастроентеритис во март 2013 година, а принцот Филип имаше истражувачка операција на абдоменот таму еден месец потоа.
Принцезата Кејт се опоравува во лондонската клиника откако минатата недела беше подложена на абдоминална операција во болницата. Кралското семејство не објави детали во врска со состојбата на принцезата и точна причина за операцијата
