Премиерите на Австралија и Нов Зеланд, Скот Морисон и Џасинда Ардерн, изразија загриженост поради потенцијалното присуство на кинеската армија на Соломонските острови во југозападниот Пацифик.
Во документот објавен минатата недела се вели дека Кина би можела да го зголеми военото присуство на земјата во Југозападниот Пацифик, вклучително и засилување на флотата.
Морисон рече дека по средбата со премиерот на Нов Зеланд за време на викендот, тој планира да разговара за развојот на ситуацијата со своите колеги од Папуа Нова Гвинеја и Фиџи подоцна во понеделник.
„Извештаите што ги видовме не не изненадуваат и не потсетуваат на постојаниот притисок и закана од регионот за нашата национална безбедност. Загрижени сме за регионот, но не сме изненадени. Свесни сме за овој тип на притисок за долго време“, рече австралискиот премиер.
Ардерн рече дека потенцијалното кинеско присуство во регионот предизвикува „сериозна загриженост“.
„Ги гледаме таквите потези како потенцијална милитаризација на регионот. Не гледаме потреба од такво присуство кога станува збор за безбедноста на Пацификот“, рече таа.
Соломонските острови минатата недела објавија дека е потпишан договор со Кина, но нивните соседи во регионот беа загрижени поради нацртот на поширок безбедносен договор кој протече на Интернет.
