Познатата водителка Милена Антовска-Станковска пред два месеца по вторпат стана мајка. Таа роди девојче, на кое ѝ го дадоа името Јоана.
Милена на свет ја донесе ќерката на убавиот празник Василица, а само ден претходно, убавата водителка го прослави својот роденден.
Во текот на бременоста и по породувањето, секако, не можевме да ја видиме Милена на малите екрани.
Сега, два месеца од породувањето Милена се појави во емисијата на Мирослав Кацаров и Ведрана Ѓорѓевиќ.
Милена објави фотографии од студиото на својот инстаграм-профил, а сите се воодушевени од нејзиниот изглед.
На фотографијата водителката позира облечена во мини здолниште, бела кошула и палто во портокалова боја.
Милена многу брзо ја врати старата линија која ја имаше и пред да забремни со Јоана.
Инаку, таа и нејзиниот сопруг Гордан првпат станаа родители пред четири години, кога ја добија ќерката Лана Марија.
ФОТО: Инстаграм
