И покрај „позитивните чекори“ кон исполнување на барањата на Турција за солидарност во борбата против тероризмот, Анкара сè уште не е подготвена да го прифати Стокхолм во НАТО алијансата, изјави во вторникот турскиот претседател Реџеп Таип Ердоган.
„Неговата влада сè уште треба да ја увери загрижената турска јавност дека солидарноста на НАТО е обезбедена пред изборите следната година“, рече Ердоган на заедничката прес-конференција со шведскиот премиер Улф Кристерсон во Анкара.
„Верувам дека мојот драг пријател Кристерсон ќе ме разбере во овој момент“, рече Ердоган, додавајќи дека Турција сè уште очекува „конкретни“ потези од Шведска, вклучително и екстрадиција на некои осомничени кои Анкара ги смета за „терористи“.
Ердоган меѓу осомничените за чија екстрадиција бара го посочи поранешниот главен уредник на сега веќе непостоечкиот весник поврзан со групата на исламскиот политички лидер Фентулах Ѓулен, кој живее во Соединетите држави.
Турција ја класифицира групата како терористичка.
Турција го блокира влезот на Шведска и Финска во НАТО алијансата, наведувајќи ја нивната наводна поддршка за групи како што е забранетата Курдистанска работничка партија (ПКК), која Европската унија и САД ја сметаат за терористичка организација.
Турција ја поддржува политиката на отворени врати на НАТО и се надева дека планираниот состанок на трите земји во Стокхолм подоцна овој месец ќе донесе „попозитивен исход“, додаде Ердоган.
Стокхолм „разбира дека станувањето сојузник на НАТО вклучува должности кон другите членки, вклучително и Турција“, рече Кристерсон.
„Понудив начини на кои Шведска може да и помогне на Турција во борбата против тероризмот… Целосно ќе го спроведеме трилатералниот меморандум“, додаде тој, мислејќи на договорот постигнат меѓу Турција, Шведска и Финска на крајот на јуни.
Освен Унгарија, Турција е единствената членка на Алијансата која се уште не го ратификувала влезот на две земји во НАТО.
