Американскиот логистички гигант „ Федекс“ (FedEx) објави дека ќе укине до 2.000 работни места во Европа за да ги намали трошоците бидејќи побарувачката за услуги за испорака се нормализира во периодот по пандемијата.
Отпуштањата ќе бидат распоредени на 18 месеци и ќе ја чинат компанијата меѓу 250 и 375 милиони долари за такси и отпремнини.
Намалениот број работници треба да ѝ заштеди на компанијата од 125 до 175 милиони долари годишно, почнувајќи од фискалната 2027 година.
До крајот на следната година, FedEx планира да ги намали трошоците за 4 милијарди долари, вклучително и 1,8 милијарди долари во фискалната 2024 година.
Компанијата работи во повеќе од 45 европски земји меѓу кои и во Македонија и вработува повеќе од 52.000 луѓе.
