Сингапур ерлајнс испрати понуди за компензација на патниците на летот во мај кој наиде на силни турбуленции во кои беа повредени десетици и едно лице загина, соопшти во вторникот авиопревозникот.
На патниците со полесни повреди им беа понудени 10.000 долари, а оние со посериозни повреди може да разговараат за понуда што ќе ги задоволи нивните специфични потреби, велат од управата.
„На патниците за кои е здравствено проценето дека претрпеле сериозни повреди, бараат долготрајна медицинска нега и бараат финансиска помош, им се нуди аванс од 25.000 американски долари за да ги задоволат нивните итни потреби“, а таа сума ќе биде дел од конечната спогодба, се додава.
73-годишен патник загина на летот, најверојатно од срцев удар, а десетици беа повредени откако летот SQ321 од Лондон до Сингапур наиде на, како што ја нарекоа авиокомпанијата ненадејна, исклучителна турбуленција над Мјанмар. Тој излета од курсот и слета во Бангкок, Тајланд.
Патниците велат дека членовите на екипажот и оние кои не биле врзани се одвоиле од подот или од нивните седишта и удриле во таванот на кабината, кој на места пукнал. Од болницата во Бангкок, која ги примила патниците на лекување, соопштија дека повредите се на ‘рбетниот мозок, мозокот и черепот.
Повеќе од две недели по летот на 20 мај, 20 патници сè уште добиваа медицинска нега во болниците во Бангкок, соопшти Singapore Airlines.
Сингапур ерлајнс соопшти дека ќе им ги врати авио билетите на сите патници на летот и дека патниците ќе добијат компензација за доцнењето во согласност со регулативите на Европската унија или Велика Британија.
Во прелиминарниот извештај на Министерството за транспорт на Сингапур се вели дека брзата промена на гравитацијата и падот на висината од 54 метри најверојатно предизвикале одвојување на патниците и екипажот од подот и од седиштата.
Се додава дека авионот најверојатно летал над област на „развивање на конвективна активност“, термин што се однесува на развој на лошо време.
На летот имало 211 патници, меѓу кои и многу Австралијци, Британци и Сингапурци и 18 членови на екипажот.
Инцидентот ја стави актуелната практика на носење безбедносни појаси во центарот на вниманието, при што авиокомпаниите обично им дозволуваат на патниците да ги откопчаат појасите за време на нормални услови на летот, иако им препорачуваат да ги задржат врзани.
