Додека светските ѕвезди ги полнат улиците на Париз за време на Модната недела во овој град, вчера неочекуван пар ја отвори ревијата на модната куќа Шанел. Бред Пит и Пенелопе Круз се ѕвезди на краток филм што ја рекламира колекцијата есен-зима 2024/2025 година.
Бред Пит и Пенелопе Круз се појавија во краток црно-бел филм како вљубен пар, во кој му беше оддадена почит на француското летувалиште Довил, на кое беше насочена целата реклама.
Во филмот, Пит и Круз ги пресоздадоа сцените од класичниот француски филм „Човек и жена“, добитник на Оскар од 1966 година.
На модната ревија присуствуваше и филмскиот режисер Клод Лелуш, кој пристигна во придружба на Пенелопе, која стана амбасадорка на брендот во 2018 година. Пит не присуствуваше на овој настан.
Довил е местото каде што Габриел Коко Шанел ја отвори првата продавница на францускиот луксузен бренд пред повеќе од еден век, а креативниот директор Вирџини Вијард ја структурираше целата реклама како почит на Довил, местото кое ја инспирираше Габриел.
Пенелопе за првпат зборуваше за Vogue за своето искуство и блиската соработка со Бред.
„Снимањето за Шанел траеше два дена и одлично се забавувавме. Сите посакувавме Бред да беше овде денес, но тој работи на филм – патем – работи со мојот сопруг. Одлично си поминав работејќи со Бред“, изјави актерката.
Со оглед на тоа што Круз и Пит се заедно за прв пат на екранот, фановите беа прилично изненадени, а на многумина им се допадна како изгледаат како пар и напишаа дека би сакале да ги видат и во други проекти, пренесува Klix.ba.
