Полицаец од СВР Охрид ,претепал жител на Охрид, суспендиран од работа,скандалите се нижат!!!

Одделот за внатрешна контрола, криминалистички истраги и професионални стандарди при МВР, до Основното јавно обвинителство за гонење на организиран криминал и корупција, поднел кривична пријава против А.Т. од Охрид поради постоење основи на сомнение за сторено кривично дело „малтретирање во вршење на службата“ по член 143 од Кривичниот законик, информира МВР.„Пријавениот во својство на полициски службеник во Полициската станица Охрид, при преземање на службени дејствија, неосновано и прекумерно употребил физичка сила над К.Н. од Охрид. Одделот за внатрешна контрола, криминалистички истраги и професионални стандарди ќе поднесе и предлог за поведување постапка за утврдување дисциплинска одговорност, полицискиот службеник ќе биде суспендиран од своето работно место до завршување на постапката“, се наведува во информацијата од МВР.