Кремљ смета дека влошената ситуација на Косово и Метохија е многу сложена и потенцијално опасна и внимателно ја следи, изјави портпаролот на Кремљ, Дмитриј Песков.
„Ситуацијата е многу сложена. Во ситуацијата во Косово гледаме традиционални предрасуди кон Србите, тоа е традиционален и неурамнотежен пристап. Ситуацијата е навистина многу напната и потенцијално опасна, ја следиме многу внимателно“, изјави Дмитриј Песков, а пренесува Тас.
Тој рече дека нема коментар за инцидентот во православниот манастир Бањска на северот на Косово, но истакна дека забележал редовни провокации против Србите во регионот.
Но, тоа што многу често се организираат разни провокации против Србите не е тајна за никого“, истакна портпаролот на Кремљ.
Во селото Бањска на северот на Косово, меѓу саботата и неделата дошло до конфликт меѓу група Срби и косовската полиција во кој според последните информации загинале четворица Срби и еден полицаец.
