Тесни кошули и мини здолништа во форма на ѕвонче. Слика од манекенки кои позираат пред камера во 70-тите години во некогашна Југославија веќе собра 2.600 лајкови на Фејсбук. Зарем жените тогаш знаеја поубаво да се облечат? Беа ли помодерни? Следбениците на страницата Носталгија на Фејсбук коментирале дека жените биле поприродни.
„Изгледаа многу поубаво и поприродно од денешните девојки кои носат „брендирана“ и многу скапа облека. Беа убави и женствени, и не им беше сѐ на тацна“, „Некако ми се чини дека изгледаа многу подобро и поубаво од денешните девојки“, „Беа навистина убави во споредба со жените денес. Како сите да излегле од еден калап…“, се само дел од коментарите.
