Сојузниците на НАТО се загрижени за брзото и нетранспарентно воено зајакнување на Кина и нејзината соработка со Русија и во средата разговараа за конкретни начини за справување со предизвиците што ги поставува Пекинг, рече американскиот државен секретар Антони Блинкен.
-„Членовите на нашата алијанса остануваат загрижени за принудната политика на НР Кина (Народна Република Кина), употребата на дезинформации, брзото, нетранспарентно засилување на војската, вклучително и соработката со Русија“, рече Блинкен на прес-конференција по дводневната средба на Министрите за надворешни работи на НАТО.
„Но, ние исто така остануваме посветени на одржување на конструктивен дијалог со Кина секаде каде што можеме и ги поздравуваме можностите да работиме заедно на заедничките предизвици“, додаде тој.
Додека НАТО останува фокусиран на одржување на обединета поддршка за Украина, членките исто така сакаат да ја зајакнат отпорноста на алијансата со разгледување на новите предизвици, вклучително и оние што ги поставува Кина, рече Блинкен.
Соединетите Држави и нивните сојузници признаваат дека постои натпревар за обликување на светот надвор од поделбите од Студената војна.
Блинкен тврдеше дека „на многу начини постои она што Европејците го нарекуваат системско ривалство меѓу Кина и многу од нашите земји“, но дека мора „секаде каде што е можно, да најдеме начини да соработуваме за навистина големите прашања“.
