Американската потпретседател Камала Харис ќе ги посети Полска и Романија како поддршка на Украина, се вели во соопштението на Белата куќа.Харис ќе ги посети Варшава и Букурешт од 9 март, се вели во соопштението од нејзиниот кабинет.
„Нејзината посета ќе ја покаже силата и единството на поддршката на НАТО и САД за НАТО сојузниците на исток кои се соочуваат со руска агресија. Тоа, исто така, ќе ги нагласи нашите колективни напори за поддршка на народот на Украина“, се вели во соопштението
Харис ќе се сретне со лидерите на двете земји за да го координира нивниот одговор „на руската неиспровоцирана и неоправдана инвазија на Украина“, се вели во соопштението.
„Тие ќе разговараат за нашата континуирана поддршка за народот на Украина преку безбедносна, економска и хуманитарна помош и нашата решеност да воведеме строги економски санкции кон Русија и оние кои се вклучени во руската инвазија“, се вели во соопштението на Белата куќа.
Состаноците на лидерите, исто така, ќе се фокусираат на тоа како САД можат да ги поддржат соседите на Украина додека ги пречекуваат бегалците кои бегаат од конфликтот.
