Министерот за внатрешни работи Александар Вулин му го честиташе на „целиот српски народ“ Денот на српското единство, слобода и државното знаме.
Во својата честитка, Вулин рече дека Србите „мора да бидат обединета политичка нација“ и дека славењето заеднички празници „е начин да се покаже сила и единство на сите оние кои во нашето неединство бараат начин да нè намалат и разделат .
„На сите Срби каде и да живеат и на сите кои Србија ја доживуваат како своја татковина, им го честитам Денот на српското единство, слобода и државното знаме. Срби, нека ни е празникот, да се погрижиме еден за друг да ги спасиме Србија, РС и сите земји во кои живеат Срби. Србите со векови го носеа истото знаме, сонуваа за обединување и слобода. Ја освоивме слободата, среќен ни е празникот“, рече Вулин, а пренесуваат од МУП.
Во Србија и Република Српска (РС) денеска се одбележува Денот на српското единство, слобода и национално знаме, кој беше востановен пред две години.
Владите на Србија и на РС одлучија тој празник да се одбележи на 15 септември, денот на кој во 1918 година беше пробиен Солунскиот фронт во Првата светска војна.
Централната манифестација ќе се одржи во Бјелина во 11 часот, а на прославата заедно со највисоките функционери на РС ќе присуствува и претседателот на Србија, Александар Вучиќ.
