На англосаксонските јазици изразот „како си?“ е само еден вид поздрав на кој не се очекува одговор. Во нашето поднебје, сепак, редовно одговараме со „добро“. Повеќето од нас не очекуваат друг одговор.
Меѓутоа, ако спроведете некој вид на експеримент и искрено одговорите кога не сте добро и кажете кои проблеми навистина ве мачат, може да добиете збунет, изненаден поглед од другата страна, а личноста често не ни знае што да одговори освен – Ќе биде подобро, издржи и слично.
Ниту една од страните нема корист од таков разговор, а прашањето го поставуваме, во повеќето случаи, чисто заради ред.
Прашањето „како си“ се смета за најбескорисна комбинација на зборови во светот на комуникацијата. Лицето што прашува навистина не сака да го знае одговорот, а тој што одговара не ја кажува вистината. Ниту една страна нема корист од ова.
Но, според истражувачите од Харвард кои спроведоа комуникациска студија објавена во Журналот за личност и социјална психологија, клучот за да се извлече максимумот од краткиот разговор е едноставно да му поставите на другиот последователни прашања.
Во серија експерименти, истражувачите анализирале повеќе од 300 разговори на интернет и откриле дека на оние на кои им биле поставувани значајни прашања повеќе им се допаѓаат другиот и дека можат да научат нешто ново за својот соговорник.
Имено, кога некој поставува прашање изразувајќи подлабок интерес, тој се доживува како личност со поголема емпатија, интерперсонален конструкт кој вклучува слушање, разбирање, потврдување и грижа за другата личност.
Едно такво прашање што можете да го поставите е: Што интересно ви се случи во последно време?
На овој начин и давате можност на другата страна да се наврати на настаните од неговото неодамнешно минато, ја поттикнувате да размислува и анализира, а во исто време и давате можност самиот да се увери дека и покрај се, неговиот живот е интересен. Колку и да изгледа спротивно, секој од нас доживеа нешто вредно за споменување во изминатата недела.
Покрај тоа, оваа личност ќе ве доживува како некој кој навистина се грижи за другите, кој навистина го интересираат повеќе од флоскули, а можеби токму оваа реакција ќе ве поттикне почесто да го вклучувате ова прашање во вашиот секојдневен живот.
