Украинскиот претседател Володимир Зеленски објави пркосна видео порака од улиците на Киев во саботата наутро по ноќните интензивни престрелки и експлозии.
Тој во видеото објавено на Твитер рече дека Украинците нема да го остават оружјето или да се предадат на напаѓачките сили, како што бара рускиот претседател Владимир Путин.
Претседателот рече дека сака да ги побие лажните извештаи дека ја напуштил Украина.
„Тука сум“, рече уморниот Зеленски додека одеше по улицата во Киев додека се раздени низ градот.
Насмеан им посака „добро утро на сите“. Тој ја заврши пораката со зборовите: „Слава на Украина!“
Жителите на украинската престолнина Киев поминаа непроспиена ноќ со експлозии и звук на сирени и трет ден од руската инвазија на Украина. Владата во Киев соопшти дека во текот на ноќта избувнале борби на улиците на главниот град. Во саботата рано наутро, експлозии се слушнаа и низ Киев додека руските војници се приближуваа кон градот. Нападот се случи само неколку часа откако Володимир Зеленски предупреди дека руските сили ќе се обидат да го освојат Киев ноќта меѓу петок и сабота.
