Грчката авиокомпанија „Лумивингс“ утринава започна со работа од меѓународниот аеродром во Тузла (МАТ) со лет до шведски Халмштад.
Утре ќе следи првиот лет за холандски Мастрихт, а на 20 декември до германски Заарбрукен и дански Есбјерг.
Раководството на МАТ го потпиша договорот со Лумивингс на 1 декември и потоа започна продажбата на билетите.
Како што беше најавено по тој повод, оваа авиокомпанија ќе ја поврзе Тузла со Европа со пет линии и една линија до Турција.
„Избравме пет плус еден дестинации. Ќе има летови од Тузла до Германија, Шведска, Данска, Холандија, а наскоро ќе обезбедиме летови и до Турција, за што постои голем интерес на нашите патници“, изјави директорот на меѓународниот аеродром во Тузла, Џевад Халилчевиќ.
Овие летови ќе ја поврзат Тузла со Стокхолм и Халмштад во Шведска, Мастрихт во Холандија, Сарбрукен во Германија, Есбјерг во Данска и наскоро Истанбул.
