Финската полиција соопшти дека денеска дошло до пукање во училиште во градот Вантаа во близина на Хелсинки.
Пукањето се случило во училиште во областа Виертола, во градот Вантаа. Полицијата го уапсила осомничениот за пукањето, а има и повредени, соопшти финската полиција.
„Полицијата е на лице место и врши увид. Се замолуваат граѓаните да бидат подалеку од областа и во затворен простор. Вратите не треба да им отвораат на странци“, се наведува во полициското соопштение.
Вантаа има околу 250.000 жители и е дел од пошироката област Хелсинки.
Финскиот јавен радиодифузен сервис Иле известува дека во училиштето работат околу 90 лица.
