Времето ќе биде променливо облачно и нестабилно со пороен дожд и грмежи. Локално процесите ќе бидат поинтензивни во форма на невреме со интензивен пороен дожд, грмежи, засилен ветер и услови за појава на град. Минималната температура ќе биде во интервал од 7 до 12, а максималната ќе достигне од 21 до 29 степени. УВ=6.
Во Скопје, променливо облачно и нестабилно со повремен пороен дожд и грмежи, а ќе има услови процесите да бидат и поинтензивни. Минималната температура ќе се спушти до 12, а максималната ќе достигне до 27 степени.
Во недела претежно во западните делови времето ќе биде нестабилно со пороен дожд и грмежи. Локално процесите ќе бидат поинтензивни во форма на невреме со интензивен пороен дожд, грмежи, засилен ветер и услови за појава на град. Во почетокот на следната седмица ќе има преодно стабилизирање на времето со пораст на температурата.
