Мексиканските власти пронајдоа 45 вреќи со човечки останки на северот на земјата и во моментов се обидуваат да утврдат колку тела има таму.Во торбите пронајдени во клисура на периферијата на Гвадалахара имало останки на мажи и жени, соопшти Канцеларијата на државниот обвинител во сојузната држава Халиско, пренесе АП.
Пожарникарите и цивилната заштита со помош на хеликоптер работеа на извлекување на остатоците од клисурата, а тоа планираат да продолжат и во наредните денови.
Човечки останки беа пронајдени при потрагата по седум млади лица кои беа пријавени за исчезнати минатата недела. Се уште не се знае дали тие се меѓу пронајдените останки.
Од Државното обвинителство соопштија дека го истражиле местото на откривањето откако добиле дојава дека таму се пронајдени делови од тела.
Во Мексико се трага по повеќе од 110.000 исчезнати лица, а Халиско е земјата со најголем број исчезнати лица, 15.000 луѓе. Покрај исчезнатите, проблем се и илјадници неидентификувани останки во мртовечници и гробишта.
Albanian
English
Macedonian
Turkish
