Финска ја зафати невремето Лили, кое корнеше дрвја, однесе покриви, а 67.000 луѓе останаа без струја поради снегот и силниот ветер, јавија денеска финските медиуми.
Спасувачките екипи имаа многу работа да ги отстранат последиците од невремето, како паднати дрвја и оштетени покриви, пренесува финскиот медиум Yle.
Обилен снег падна во јужните и западните делови од земјава, а на места висината на снегот достигна и 20 сантиметри.
Претходно денеска беше објавено дека во крајбрежните области на западот на Финска ветерот достигнал брзина од 33,5 метри во секунда.
Поради снежните врнежи загуба на струја имаше и во повеќе домаќинства, а на места беше прекинато и водоснабдувањето.
