Во Европа се регистрирани повеќе од 100 случаи на мајмунски сипаници
Повеќе од 100 случаи на мајмунски сипаници, вирусна инфекција карактеристична за Западна и Централна Африка, се регистрирани во Европа, а германските власти велат дека овие случаи се највисоки во регионот.
Случаи на мајмунски сипаници се потврдени во Обединетото Кралство, Шпанија, Португалија, Белгија, Франција, САД и Австралија, пренесува Ројтерс.
Оваа болест, првпат идентификувана кај мајмуните, се шири со близок контакт и е многу ретка надвор од африканскиот континент, поради што овие случаи на вирус се загрижувачки.
Научниците, сепак, не веруваат дека овие случаи може да се претворат во пандемија слична на ковид-19, имајќи предвид дека вирусот не се шири толку лесно како САРС-КОВ-2.
Вариола е лесна форма на болеста, а карактеристични симптоми се треска и осип.
Фабијан Лендерц од германскиот институт „Роберт Кох“ овие случаи ги нарече своевидна епидемија, но оцени дека таа не треба да трае долго.
Случаите се изолирани, имаме контакти за следење и има лекови и ефективни вакцини кои може да се користат доколку е потребно, додаде тој.
Специфична вакцина за сипаници не постои, но податоците покажуваат дека вакцините против сипаници се ефективни во 85 проценти од случаите, според Светската здравствена организација.
Британските власти понудија вакцини против сипаници на здравствените работници и на другите кои биле изложени на вирусот.
СЗО свика вонреден состанок бидејќи во Европа се регистрирани повеќе случаи.
