Вчера имаше вкупно 32 пожари на отворен простор, од кои активни се 4, под контрола е еден, а изгаснати се 27, соопшти Центарот за управување со кризи. (ЦУК)
Во општина Чашка и денеска гори мешана шума на планината Мукос во атарот на селата Степанци, Оморани и Ораов Дол. Нискостеблеста вегетација гори кај прилепските села Пештани, Кокре и Кален.
Активен е пожарот кај штипските села Хаџи Хамзали, Едеклерци и Топлик, како и на полигонот Криволак, а во скопската општина Чучер-Сандево опожарена е мешана шума кај селото Танушевци.
Според ЦУК под контрола е пожарот во општина Демир Хисар, кај село Вардино, а изгаснати се вкупно 27 пожари.
