Туристите кои резервираа сместување во југоисточниот дел на Лондон на платформата Booking по пристигнувањето сфатија дека ветеното сместување го нема.
Во последните месеци, околу 20 луѓе се појавија на влезната врата на Карин Арсениус во Пламстед, југоисточен Лондон. Мислеле дека ги чека сместување кое веќе го резервирале на Букинг, но всушност се приближиле до семејната куќа.
„Мораме некако да го спречиме тоа, навистина е одвратно“, изјави Карин за Би-Би-Си, која сега размислува и за користење правни лекови. Меѓу другите, таму се појавија гости од Алжир, Канада, Индија и САД.
Некој на Букинг очигледно ја користел адресата на нивната улица и ја одредил локацијата точно каде се наоѓа куќата на семејството Арсениус. А туристите се уверија дека резервирале сместување.
Карин ги подготвила креветите за тројцата студенти од Аргентина токму во нејзината дневна соба бидејќи не можеле да одат никаде на друго место доцна навечер. Прво, хотелот ја реши ситуацијата со Букинг, потоа ги повика сите локални хотели, но не можеа да најдат достапни соби.
31-годишната Сабрина Саломе Шнајдер за Би-Би-Си изјавила дека се чувствувала како да е во кошмар кога групата се појавила на вратата. „Се обидоа да ни помогнат, но ние се уште чекаме денар од Букинг, па сега треба да потрошиме некој денар за да најдеме ново сместување. Бидејќи тие се огромна корпорација, лесно би можеле да си дозволат на неколку луѓе да им понудат место за престој“, додаде таа.
Минатото лето, една жена од северен Лондон исто така имаше сличен проблем, па Букинг ја отстрани лажната понуда што ги носеше туристите до нејзиниот праг.
Компанијата одговори на последниот инцидент велејќи дека „измамите се битка која сè уште ја водат бескрупулозните измамници во многу индустрии“. Додаваат дека имаат многу сигурни безбедносни мерки, но проблеми се уште се јавуваат со одредени населени места.
„Можеме да потврдиме дека целосно го отстранивме тој имот од веб-страницата, член на нашиот тим за услуги на клиентите ги контактираше сите засегнати и им ја понуди потребната поддршка во врска со рефундирање, преместување и дополнителни трошоци. Искрено му се извинуваме на сопственикот на куќата“, напишаа тие како одговор за Би-Би-Си.
