Министерството за одбрана објави дека руските сили оневозможиле речиси 4.000 украински воени локации од почетокот на операцијата.
„Вкупно 3.920 елементи од воената инфраструктура на Украина се оневозможени од почетокот на руската специјална воена операција во Украина“, изјави во понеделникот портпаролот на руското Министерство за одбрана Игор Конашенков.
Почина трудница чија слика го обиколи светот по бомбардирањето на породилиштето
Според Конашенко, во изминатите 19 дена од инвазијата, Русите уништиле 143 беспилотни летала, 1.267 тенкови и други видови оклопни возила, 124 ракетни фрлачи, 457 артилериски системи и минофрлачи и 1.028 специјални воени возила.
Конашенко истакнува дека руските сили собориле четири украински беспилотни летала, вклучително и еден Bayraktar TB-2. Воени и беспилотни летала погодија 187 места, пренесува руската новинска агенција Интерфакс.
Украина објави нови податоци
Украинското Министерство за одбрана, исто така, објави нови податоци за руските воени загуби во понеделникот.
Украинското министерство соопшти дека нивните сили уништиле 389 руски тенкови, 1.249 оклопни борбени возила, 77 авиони, 90 хеликоптери, 617 моторни возила, 64 MLRS и 150 артилериски системи во изминатите 19 дена од инвазијата.
Украинците тврдат и дека Русите изгубиле повеќе од 12.000 војници.
