Јапонскиот автомобилски гигант „Тојота“ најави дека работи на супер-напредни цврсти батерии (Solid-State Batteries) за електричните возила кои ќе нудат автономија од над 1000 километри, ќе бидат двојно полесни и ќе се полнат за само 10 минути.
Според она што за „Гардијан“ го изјави претседателот на центарот за истражување на компанијата Кеји Каита батериите ќе почнат сериски да се произведуваат во 2027 година.
-За нашите течни и цврсти батерии, целиме значително да ја измениме сегашната ситуација со тешки, големи и скапи батерии. Во однос на потенцијалот, сакаме да ги преполовиме овие фактори –изјави Каита.
Со овие батерии кои ќе бидат двојно полесни од сегашните, како што појаснува тој, ќе може да се вози 1.200 километри, а нивното полнење ќе трае само 10 минути.
Со ова откритие, се верува, дека продажбата на електрични автомобили ќе се зголеми,се нуди решение за досегашните проблеми кои ги имаа возачите на вакви автомобили.
