Со тешки повреди се здобил мотоциклист при судир со возило „пасат” синоќа во Неготино. Информацијата за МИА ја потврди портпаролката на СВР Велес, Биљана Ѓаковска.
– Во 20.45 часот во ОВР Неготино е пријавено дека на крстосницата од улиците Индустриска и Маршал Тито се случила сообраќајна несреќа меѓу мотоцикл „сузуки” со кавадаречки регистарски ознаки, управуван од А.К.(54) од Кавадарици и патничко возило „пасат“ со регистарски ознаки од Виница, управувано од Ф.А.(29) од Виница. Во несреќата со тешки телесни повреди се здобил возачот на мотоциклот, констатирани во болницата во Кавадарци, појасни Ѓаковска.
Увид на местото на несреќата извршила увидна екипа од Одделението за внатрешни работи од Неготино.
