Претседателот на Алијансата за Албанците Арбен Таравари потврди дека партиите од албанската опозиција му предложиле тој да биде нивeн кандидат за претседател на претстојните избори, но тој не прифатил.
– Албанската опозиција има разговарано со мене јас да бидам претседателски кандидат, но јас не сум заинтересиран – рече Таравари во куса изјава за МИА.
Претседателот на Движењето Беса и градоначалник на Општина Тетово Биљал Касами во синоќешното гостување во емисија на Радио Телевизија Косово нагласи дека е разговарано со претседателот на Алијансата за Албанците Арбен Таравари тој да биде претседателски кандидат.
– Да, разговарано е со Таравари да биде претседателски кандидат и се гледа како соодветен албански кандидат на овие избори – потенцираше Касами.
