На граничниот премин Табановце за влез во државата се чека околу 1 час, а на граничниот премин Богородица за излез од државата се чека околу 30 минути, информира АМСМ.
Оттаму додаваат дека на останатите гранични премини од македонска страна, нема поголеми задржувања за влез и излез од земјава.
Сообраќајот на патиштата се одвива по суви коловози. Интензитетот на сообраќај на патните правци надвор од градските средини е зголемен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
