Родители на ученици во едно средно училиште во централна Хрватска му се пожалиле на класниот раководител на однесувањето на една наставничка, која на учениците детално им раскажала што ѝ се случило по употребата на дрогата екстази.
– Згрозени сме од нејзиното однесување и од третманот на децата уште пред инцидентот со дрогата. Таа се однесува ужасно вулгарно, им кажува на децата дека се „ретардирани“ и слични глупости – раскажуваат за хрватскиот портал 24 часа родители на децата.
Тие се револтирани од однесувањето на наставничката. Кон средината на февруари, во еден ресторан пристигнала брза помош за да ја земе наставничката откако таа ја конзумирала дрогата екстази.
– Син ми ми кажа за тоа, му се јавија другарите да дојде да ја види. И тие беа во градот и беа сведоци на таа сцена – раскажува еден од родителите.
Тој случај завршил и во медиумите, откако полицијата уапси 31-годишен маж под сомнение дека ѝ дозволил на наставничката да ја конзумира дрогата екстази. Мажот потоа доброволно ѝ предал на полицијата една таблета МДМА.
– По тој инцидент таа замина на боледување еден месец, а кога се врати, на децата им го раскажа своето искуство. И тоа на час. Им раскажала како ги тепала техничарите, како гребела сè, како ја однела криминалистичката полиција од болница. Раскажала јасно и детално, на некои деца дури им било интересно и рекле дека би сакале и самите да пробаат – раскажуваат родителите кои се пожалиле кај одделенскиот раководител.
Директорката на училиштето вели дека „слушнал слични инсинуации и шепотења по ходниците“, но сето тоа е неофицијално.
– Имам одредени информации за тоа, но сето тоа е неофицијално, никој не ме контактирал. Во нашето училиште имаме и ученички совет, каде што можат родителите да ги изнесат сите свои проблеми и предлози. Нормално, имаме многу добра соработка, но никој не се пожалил на однесувањето на наставничката – вели директорката и посочува дека многу колеги, па дури и некои родители, додека наставничката била на боледување, дошле да прашаат кога ќе се врати.
– Би сакал да не им дава таков пример на децата. Освен тоа, ја не му кажувамна син ми дека е ретардиран, тоа е навистина грозно – вели една мајка.
Од Министерството за образование, како и од жупанијата којашто е основач на училиштето, засега не соопштуваат ништо за овој инцидент.
Илустрација: Bing Image Creator
