Украинската поп икона Андреј Данилко го продава својот автомобил Ролс Ројс од 1974 година, кој некогаш и припаѓал на легендарниот солист на групата КВИН Фреди Меркјури.
Уметникот, познат и како Верка Серџучка, изјавил дека ќе го продаде автомобилот преку аукција во куќата Сотби на 5 ноември за да собере пари за планираниот центар за рехабилитација „Суперлуѓе“ во Киев, пишува Sky news.
Кога Данилко го купил овој автомобил, планирал да го донира на музејот на групата Квин или да биде дел од голема изложба во Украина, како што вели во објава на социјалните мрежи.
Но, сега одлучил парите од продажбата на автомобилот да одат во хуманитарни цели.
