Во една од ќелиите на Казнено-поправната установа Скопје, во неделата наутро бил пронајден мртов 36-годишниот осуденик В.В. од Скопје.
Според првичните информации, затвореникот бил пронајден околу 08:05 часот, а лекар од Итна медицинска помош констатирал дека починал без видливи траги од насилство.
По наредба на јавен обвинител, телото на починатиот е дадено на обдукција, со цел да се утврди точната причина за смртта.
„Во моментов се преземаат сите неопходни мерки за целосно расчистување на овој случај“, информираат од МВР.
Полицијата интензивно работи на расветлување на околностите под кои починал затвореникот.
