Јутјуберот Тајлер Блевинс (32), попознат како Нинџа, кој има 23 милиони следбеници на својот канал на Јутјуб, откри дека има рак. Тоа е меланом, односно рак на кожата. Тајлер на социјалните мрежи објасни дека лекарите се оптимисти бидејќи ракот е рано откриен.
– Сè уште сум во мал шок, но сакам да ве информирам. Пред неколку недели отидов на дерматолог за мојот годишен преглед на кожата/бенките. На дното на моето стапало имаше бенка што сакаа да ја отстранат само како мерка на претпазливост. Се покажа дека е меланом, но тие се оптимисти бидејќи го фативме во рана фаза – рекол Тајлер, кој потоа предупредил за важноста од превентивните прегледи.
– Блиску до тоа се појавила уште една темна дамка, па денеска направија биопсија и отстранија поголема површина околу меланомот со надеж дека под микроскоп ќе видат јасни немеланомски рабови. Благодарен сум што имам надеж дека е рано откриено, но ве молам, земете го ова како потсетник за да одите на прегледи – додал Јутјуберот, а во коментарите се огласила неговата сопруга Џесика Блевинс.
„Веројатно немаше да почнам да закажувам годишни прегледи на кожата ако не се преселевме на Флорида. Меланомот на стапалата не е поврзан со сонцето, така што тој сепак би бил таму и можеби немаше да го најдеме. Тука сум да бидам силна за тебе“, му напишала сопругата.
ФОТО: Инстаграм
