Монсунските дождови кои предизвикаа големи поплави и лизгање на земјиште однесоа најмалку девет животи во североисточна Индија и соседен Бангладеш, соопштија денеска властите. Повеќе од три милиони луѓе се погодени во двете земји.
Осум лица загинаа во изминатиот ден во индиската држава Асам, според официјални лица за управување со катастрофи, со што бројот на жртвите од обилните дождови од средината на мај се искачи на 46.
Околу 2.800 села во државата се поплавени, погодувајќи повеќе од 1,6 милиони луѓе, јави француската новинска агенција АФП.
Повеќе од 25.000 луѓе живеат во привремени засолништа во училишта, стадиони и други владини згради, откако нивните села беа поплавени и нивните домови. Првиот човек на сојузната држава Асам, Химанта Бисва Сарма, изјави дека ситуацијата настанала поради обилните врнежи во соседната држава Аруначал Прадеш.
Во соседен Бангладеш, пак, поплавите погодија 1,8 милиони луѓе, соопшти агенцијата за управување со катастрофи. Истовремено, тие предупредија дека во следните три дена водата може да се зголеми уште повеќе. Во изминатиот ден надојдените води однесоа еден живот, пренесува AFP.
Поплавните монсунски дождови предизвикуваат широко распространето уништување во Индија и Бангладеш секоја година, но експертите предупредуваат дека екстремните временски настани се зголемени во последните години поради влијанието на климатските промени.
