Порно актерката Сторми Даниелс на судењето на Доналд Трамп сведочеше за нивната прва средба и за фетишите на поранешниот американски претседател. Даниелс откри дека Трамп ја сретнал во пижами во неговата хотелска соба во 2006 година и дека таа го удрила по задникот на негово барање, кажувајќи ѝ на поротата за наводната средба што на крајот ќе доведе до првото кривично судење на поранешниот американски претседател, пренесува Ројтерс
Даниелс (45) рече дека Трамп ја нервирал со неговите чести прекини и дека таа наводно го прашала: „Дали си секогаш толку арогантен и дрзок?“
Таа пред поротата рече дека Трамп барал да го удри по задникот, и таа го сторила тоа.
Трамп го слушал сведочењето на Даниелс од обвинителната клупа.
До средината на утрото, Даниелс сè уште не сведочела за сексуалната врска што наводно ја имала на тој состанок. Се очекува нејзиното сведочење да продолжи и по паузата.
Доналд Трамп (77), републиканскиот претседателски кандидат на овогодинешните избори, е обвинет за фалсификување деловни книги за да прикрие уплата од 130.000 долари на Даниелс со која го купил нејзиниот молк за време на претседателските избори во 2016 година. Тој се изјасни за невин и негира дека имал секс со Даниелс, чие вистинско име е Стефани Клифорд.
Наводната средба се случила додека Трамп бил во брак со неговата сегашна сопруга Меланија.
Трамп негира каква било сексуална врска со порно актерката.
