Соединетите Американски Држави (САД) денеска отворија нова база за противвоздушна одбрана на северот на Полска, што претседателот на таа земја го оцени како доказ дека Полска е безбедна како членка на НАТО, иако Русија води војна во соседна Украина.
Сместена во градот Реџиково во близина на балтичкиот брег, базата се гради од 2000-тите, пренесува Ројтерс. Во време кога победата на Доналд Трамп на изборите предизвика немир кај некои членки на НАТО, Варшава истакнува дека континуираната работа во базата, која беше поддржана од последователни американски претседатели, покажува дека воениот сојуз на Полска со Вашингтон останува силен без оглед на тоа кој е во Белата куќа.
„САД… се гарант за безбедноста на Полска“, изјави полскиот претседател Анджеј Дуда.
Тој додаде дека постојаното присуство на американските сили во базата покажува дека Полска, комунистичка држава до 1989 година, „не е во руската сфера на влијание“.
Кремљ денеска ја нарече базата обид за задржување на Русија со придвижување на американската воена инфраструктура поблиску до нејзините граници. троши доволно за одбрана.
Сепак, Полска посочува дека нема причина за страв, бидејќи таа е најголемиот трошач на одбраната во рамките на алијансата во однос на големината на нејзината економија, а конзервативниот Дуда ги нагласува неговите блиски врски со Трамп.
Американската база во Реџиково е дел од поширокиот штит на НАТО против балистички ракети, копнената верзија на американскиот систем за ракетна одбрана Егис, наречен Егис Ашор, за кој алијансата тврди дека може да пресретне балистички ракети со краток и среден дострел.
Други клучни елементи на штитот вклучуваат локација во Романија, американски разурнувачи стационирани во шпанското пристаниште Рота и радар за рано предупредување во Куречик, Турција.
Москва ја означи оваа база како закана уште во 2007 година, додека проектот беше во фаза на планирање. НАТО тврди дека штитот е исклучиво од одбранбен карактер.
Воени извори изјавија за Ројтерс дека системот во Полска во моментов може да се користи само против проектили истрелани од Блискиот Исток и дека радарот ќе треба да се преориентира за пресретнување на ракети од Русија, сложен процес кој вклучува промена на политиката.
Полскиот министер за одбрана Владислав Косињак-Камиш во понеделникот рече дека опсегот на штитот треба да се прошири, за што Варшава ќе разговара со НАТО и САД.
Генералниот секретар на НАТО Марк Руте подоцна денеска во Варшава ќе се сретне со Дуда и премиерот Доналд Туск.
