Надзорните снимки поставени на полициското возило го снимиле моментот кога полицаец бил во близина на несреќа за време на рутинско сообраќајно запирање на автопат во Оклахома.
Имено, на видеото кое го објави „Оклахома автопат патрола“ се гледа како полицаецот Џеси Грегори разговара со возачот на автомобилот што го запрел, а во тој момент во него удира друг автомобил. Во тој момент од силината на ударот полицаецот паѓа на земја.
– За среќа, полицаецот Грегори ќе биде добро. Всушност, сите тројца инволвирани во овој инцидентот се третирани и пуштени на домашно лекување – се вели во објавата.
Од одделот Патрола за автопат во Оклахома соопштија дека несреќата се случила на 18 јануари на меѓудржавниот пат 40 на Симарон Роуд. Ројтерс успеа да ја потврди локацијата.
