По поразот во финалето на Австралија опен, во кое водеше со 2:0 против Јаник Синер, Данил Медведев (Русија) објави нова лоша вест за своите фанови.
Тој и понатаму се мачи со повредата која ја доби во Мелбурн и не е во можност да ја брани титулата во Ротердам.
„За жал, морам да се повлечам од турнирот во Ротердам. По неверојатно напорниот и долг настап во Австралија, моето тело (особено десната нога) не закрепна доволно за да можам да ја бранам титулата. Сакам да играм во Ротердам, долго време настапувам таму и веќе се радувам на моето враќање во 2025 година“, објави рускиот тенисер.
Медведев минатата сезона го освои АТП Ротердам, токму по победата над Јаник Синер.
Поради повлекувањето, Медведев ќе загуби 500 бодови на АТП-листата, каде што го зазема третото место.
