Кламидија е една од најчестите сексуално преносливи инфекции. Многумина го имаат дури и без да знаат, а причината за тоа е отсуството на симптоми.
До 80 проценти од заразените жени и 50 проценти од заразените мажи немаат никакви симптоми, што го отежнува откривањето и го олеснува пренесувањето на оваа инфекција.
Сепак, постојат некои суптилни знаци на кои треба да внимавате по незаштитен секс.
д-р. Ендрју Харт-Пинто, доктор од Ливерпул, објасни за JHP Medical на кои симптоми треба да внимавате.
Петте најчести знаци кај мажите:
– болка при мокрење
– необичен исцедок од гениталниот орган
– болка во тестисот
– чешање на уретрата
– чувство на печење
Петте најчести симптоми кај жените се:
– болка при мокрење
– невообичаен вагинален исцедок
– болка при сексуален однос
– крварење помеѓу менструацијата или после секс
– болка во абдоменот или карлицата
Во зависност од видот на сексуалниот однос, симптомите може да се појават и во други области.
Ако мислите дека имате кламидија, треба да се тестирате. Тие се брзи, лесни и безболни и вклучуваат вагинален брис или примерок од урина.
Резултатите ќе бидат готови за седум до десет дена.
Доколку тестот е позитивен, д-р Харт-Пинто објаснува дека процесот на лекување е едноставен, за таа цел се користат антибиотици.
Сепак, оин предупредува и дека штом ќе се излечите, може повторно да се заразите. Вашиот партнер треба да го добие истиот медицински третман, а вие треба да избегнувате сексуални односи една недела по заздравувањето на вашите контакти.
Доколку не се лекува, кламидија може да предизвика сериозни проблеми, предупреди д-р Харт-Пинто. Кај мажите, инфекцијата може да се прошири на тестисите, предизвикувајќи болка и оток, пишува „Сан“.
