Пејачот на познатата британска панк група „Секс пистолс“ Џони Ротен е во трка да ја претставува Ирска на Евровизија во мај

Lorita
By Lorita 1 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Пејачот на познатата британска панк група „Секс пистолс“ Џони Ротен е во трка да ја претставува Ирска на Евровизија во мај, објави денеска ирската телевизија РТЕ.

Актуелниот бенд на Ротен „Паблик имиџ Лимитид“ е меѓу шесте претставници кои ќе се натпреваруваат да ја претставуваат Ирска на овогодинешниот избор за песна на Евровизија во Ливерпул.

Групата, формирана по распадот на „Секс пистолс“ во 1978 година, ќе настапи во февруари на телевизија заедно со другите кандидати. Тогаш ќе биде одреден победникот.

Ротен, чие вистинско име е Џон Лајдон, е роден во Лондон, но има ирско потекло.
Неговиот бенд објави дека ќе ја изведе песната што Ротен ја напишал за својата сопруга Нора, која има Алцхајмерова болест.

Евровизија оваа година ќе биде во Ливерпул. Минатата година на натпреварот победи Украина, но организаторите одлучија следниот натпревар наместо во земјата на победникот да се одржи во Велика Британија поради војната во Украина.

Финалето на натпреварот ќе биде на 13 мај.

Роден во 1956 година, Ротен стана контроверзна личност поради неговите ставови против музичкиот естаблишмент, религијата и христијанството, класниот систем и британската монархија.

Во 70-тите, „Секс пистолс“ ја шокираше софистицирана Англија со провокативни зборови и агресивна музика.

Share This Article