На одредена возраст, мудро е да се размислува за избегнување алкохол како мерка за спречување на развојот на деменција.
Тоа е затоа што редовното, па дури и повременото консумирање алкохол може да му наштети на здравјето на мозокот, според д-р Ричард Рестак.
Во својата нова книга, неврологот го опишал алкохолот како „голем невротоксин“.
Невротоксините се супстанци кои ја оштетуваат, уништуваат или нарушуваат функцијата на нервниот систем, кој го вклучува и мозокот, пишува The Sun.
Поради штетата што алкохолот може да ја предизвика на нашиот мозок и меморија, др. Рестак предлага возраст на која треба целосно да го исклучите од вашиот живот.
„Предлагам ако имате 65 или повеќе години, целосно и трајно да го исфрлите алкохолот од вашата исхрана“, напиша тој.
Но, тој препорача дека сите луѓе треба да ја преиспитаат својата врска со консумирањето алкохол, особено ако се потпираат на тоа за да се смират, да го подобрат расположението или да помогнат во социјални ситуации.
„Ако овие ситуации се однесуваат на вас“, рече неврологот, „може да бидете изложени на некој опасен ризик и веројатно е најдобро да престанете целосно“.
Еден вид на деменција директно поврзан со консумирање алкохол
Консумацијата на алкохол е поврзана со намален волумен на бела материја во мозокот, што помага да се пренесат сигнали помеѓу различни области на мозокот, што може да доведе до проблеми со функцијата на мозокот.
д-р. Рестак тврди дека постои специфичен тип на деменција поврзана со прекумерно консумирање алкохол: синдром Верник-Корсаков, кој се карактеризира со сериозно краткорочно губење на меморијата и е резултат на директните ефекти на алкохолот врз мозокот.
Долготрајното консумирање алкохол може да резултира и со недостаток на витамин Б1, што го предизвикува овој синдром.
Како да се намали ризикот од деменција?
Можете да направите промени во животниот стил за да ги намалите шансите за развој на деменција. Еве како:
1. Редовно вежбање
Постојат силни докази кои сугерираат дека недостатокот на физичка активност може да го зголеми ризикот од развој на деменција. Една неодамнешна студија спроведена во САД сугерира дека луѓето со поголема количина на мускулна маса во текот на нивниот живот имале 12% помал ризик од развој на оваа смртоносна болест во старост.
2. Со избегнување на цигари
Пушењето може значително да го зголеми ризикот од развој на деменција во староста, бидејќи ја зголемува веројатноста за проблеми со срцето и крвните садови, кои се поврзани со Алцхајмерова болест и васкуларна деменција.
3. Со лекување на депресија
Луѓето кои имале епизоди на депресија во текот на нивниот живот имаат поголем ризик од развој на деменција. Разговарајте со вашиот лекар ако мислите дека имате депресија. Тие можат да ве упатат на третман, како што е терапија за разговор или когнитивна бихејвиорална терапија.
4. Со контролирање на високиот крвен притисок и дијабетесот
Одредени состојби, како што се висок крвен притисок или дијабетес, може да го зголемат ризикот од развој на деменција. Затоа е важно да правите редовни здравствени проверки за да се осигурате дека ги контролирате овие состојби и со тоа да го намалите ризикот.
