Полицијата во Нов Зеланд започна истрага откако тамошното семејство пронашло остатоци од човечко тело во куфер што го купиле на аукција.
Полицијата покренала истрага за убиството и се обидува да ги идентификува останките, а семејството кое го купило куферот не е осомничено дека е вмешано во ништо, пишува Би-Би-Си.
Неколку соседи на семејството пријавиле смрдеа од нивниот имот пред да дојде полицијата.
Семејството купило приколка полна со работи во локален магацин, вклучително и куфер, а човечките останки ги нашле дури кога стигнале дома и ја отвориле.
Од полицијата најавија дека приоритет им е да го идентификуваат лицето, но додаваат дека за тоа ќе биде потребно време.
