Од Министерството за внатрешни работи за Плусинфо информираа дека откако се завршени проверките на пријавените локации утврдено е дека се лажни дојавите за поставени бомби во молот „Ист Гејт”, хотелите „Мериот” и „Сенигалија”, салата „Борис Трајковски” и во дел од училиштата.
Претходно од МВР нѐ информираа дека е завршена проверката на Меѓународниот Аеродром во Скопје, дел од училиштата, хотелот „Александар Палас“ и зградата на Фудбалската федерација на Македонија
Инаку утрово на електронските адреси на десет училишта во Скопје и пет во Битола, како и до Фудбалската федерација на Македонија, хотелите „Александар Палас”, „Мериот” и „Сенигалија”, трговскиот центар „Ист Гејт”, спортска сала „Борис Трајковски” и Меѓународниот аеродром „Скопје” беше упатена закана за поставена експлозивна направа.
Деновиве цел на дојави за бомби, покрај училишта, се и институции, трговски центри и други објекти.
Во текот на вчерашниот ден беа регистрирани досега рекордни 49 дојави за бомби, за кои полицијата по проверките посочија дека се лажни.
