Објавен е нов трејлер за долгоочекуваниот филм Барби. Трејлерот се појави на официјалниот канал на „Warner Bros Pictures“ на YouTube и открива повеќе детали за заплетот на филмот.
Во новиот трејлер се гледа како Барби, која ја игра Марго Роби, и Кен, кој го игра Рајан Гослинг, танцуваат во нивниот розов свет. Но, во еден момент Барби е погодена од егзистенцијална криза и решава да ја посети својата пријателка која и го покажува реалниот свет.
Трејлерот покажува дека Барби и Кен не се снаоѓаат најдобро во реалниот свет и завршуваат во затвор, а нивното заминување од розовиот свет ја загрижи фабриката на Мател, која сака веднаш да се вратат.
Филмот пристигнува во кината на 21 јули. Грета Гервиг и Ноа Баумбач ја напишаа, а Гервиг ја режираше оваа комедија за една од најпознатите кукли на сите времиња. Споредната актерска екипа ја сочинуваат Мајкл Сера, Вил Фарел, Сима Лиу, Иса Рае, Дуа Липа и Ема Мекеј, пренесува Индекс.
