More

    Некои локални битки може да се претворат во политички пожар, предупредува Вашингтон

    spot_img

    Американскиот помошник државен секретар за европски и евроазиски прашања Џејмс О’Брајан изјави дека постои ризик на Балканот „некои локални битки да се претворат во политички пожар што ќе ги зафати државите во регионот“, пренесува порталот Кликс.ба.

    За тоа како гледа на безбедносната ситуација на Западен Балкан, О’Брајан рече дека регионот и припаѓа на Европа и „треба да оди напред“.

    – Примарните ризици се во северно Косово и со заканите за отцепување во Босна и Херцеговина. Еден чекор што го направивме во текот на минатата година е дека НАТО е многу посилен и како примарна сила како дел од силите на ОН, КФОР, во северно Косово, но и како поддршка на ЕУФОР во Босна и Херцеговина, и мислам дека може да ги спречи малите локални банди да предизвикуваат насилство. Мислам дека со тоа имаме можност за политички процес – тоа е дијалог, план за раст… – рече О’Брајан.

    На прашањето зошто САД ја поддржаа транзицијата на косовските безбедносни сили кон стандардите на НАТО и зошто на Приштина и беше дозволено да набавува беспилотни летала, О’Брајан одговори дека Резолуцијата 1244 „воспостави политички процес за да се разговара за иднината на Косово“.

    -Тој процес продолжи и резултираше со независност на Косово. Косово има право да ја брани својата територија. Тоа го прави во процес кој е транспарентен и во тесна соработка со меѓународните партнери за да ја обезбеди својата одбрана, но без да им се заканува на соседите. Мислам дека во целина е чекор кон стабилност во регионот и дека ќе продолжиме да даваме поддршка од САД – рече О’Брајан.

    Коментирајќи го ќор-сокакот во дијалогот меѓу Белград и Приштина и одбивањето на косовскиот премиер Албин Курти да разговара со српскиот претседател Александар Вучиќ и да ја основа Заедницата на српските општини, О’Брајан рече дека е „многу јасно дека го поддржуваме напредокот“ со Унијата.

    – Постојат околу 400 такви здруженија на општини низ Европа и мислиме дека ова ќе биде еден таков модел – рече американскиот помошник државен секретар за европски и евроазиски прашања

    Дијалогот, додаде тој, е дел од патот за решавање на загриженоста.

    -ЕУ рече дека цената на движењето напред и за Србија и за Косово е целосно усогласување со дијалогот. Би забележал дека имаме и други алатки – воспоставување на Планот за раст на ЕУ за Западен Балкан, обезбедува начин за соработка за работи како транзит на стоки преку граници, соработка за даноците, како и за сите видови практични прашања кои треба да почнат да покажуваат придобивки за граѓаните и да ја покажат користа од соработката низ целиот регион – рече О’Брајн.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img